Kristjan Asllani ka realizuar gol ndaj Genoas. Mesfushori shqiptar, i cili luan si titullar, ia doli të zhbllokojë takimin në minutën e 29-të duke kaluar në avantazh Interin.
Me anë të një gjuajtje të fortë, Asllani mposhti portierin Martinez, i cili në këtë rast nuk mund të bënte asgjë.
Ndërkohë në minutën e 37-të, Inter fiton penallti që e merr përsipër Sanchez dhe arrin të dyfishojë shifrat.
Për tu rikthyer te lojtari kuqezi kjo është ndeshja e 3-të radhazi si titullar me Interin. Për 21-vjeçarin, ky gol mbart vlerë të veçantë, pasi është i pari me fanellën e Interit në një ndeshje zyrtare.
Asllani në 2022/2023 u aktivizua në 20 ndeshje, ndërsa në këtë sezon, ka dhënë kontributin e tij në 15 ndeshje.
https://twitter.com/i/status/1764747289392775529
