Bashkë me zbardhjen e vrasjes së 39-vjeçarit shqiptar Bledar Dedja, policia italiane po shkon drejt zbulimit të një rrjeti më të gjerë prostitucioni me fëmijë.
Bledar Dedja, baba i dy fëmijëve, u gjet i masakruar me thikë mëngjesin e së dielës, 21 janar, në një pyll në Paderno del Grappa.
Në lidhje me ngjarjen është arrestuar një 17-vjeçar i cili ka pranuar përpara autoriteteve vrasjen.
17 vjeçari ka treguar lidhjen intime me 39-vjeçarin, e cila filloi rreth një vit më parë. Ai gjithashtu ka rrëfyer për një rrjet të gjerë prostitucioni, pjesë e të cilit janë djemtë dhe vajzat e mitura. Dëshmia do të verifikohet nga hetuesit dhe do të thirren të gjithë personat për të verifikuar pretendimet e 17-vjeçarit.
“Historia është shumë më komplekse nga sa duket”, tha avokatja e të riut.
Ende nuk dihen motivet e krimit dhe pse i mituri u paraqit me një thikë kuzhine në brez me të cilën ekzekutoi brutalisht shqiptarin.
