Ish-ambasadori Agim Nesho, shprehet se samitet e mbajtura më 28-29 shkurt në Tiranë, sidomos ai për Ukrainën, i kanë shërbyer oligarkëve në rajon për të vendosur posturën si elementë që sjellin paqen në Ballkan.
Në një lidhje skype në rubrikën “Opinion” në News24, ai u shpreh se sa i përket Shqipërisë, shteti është i kapur dhe politika po e çon vendin drejt një regjimi putinesk.
“Pozitive ishte që edhe Shqipëria merret me një çështje të rëndësishme siç është ajo e Ukrainës, që ndan sistemet autokratike me ato perëndimore.
Samitet, sidomos ai i Ukrainës shihen nga shtypi perëndimor si evenimente.
Shteti në Shqipëri i kapur dhe politika po e çon vendin drejt një regjimi putinesk. E njëjta po ndodh edhe në rajon dhe Serbi. Serbia ka nisur procedurën e zbimit të kundërshtarëve të Putinit.
Ka një hipokrizi që u shpreh në një samit ku Shqipëria dhe Rama kanë qenë indiferent ndaj porosive të Zelenkskyt, si në rastin e hapjes së kufijve për turistët rusë.
Duhet përshëndetur një samit i tillë, por i shërbeu interesave të oligarkëve në Ballakn për të vendosur staturën e tyre si elementë që sjellin paqen në Ballkan”, tha ai.
