Shkon në dy bilanci i viktimave nga shpërthimi i ndodhur këtë pasdite në Lushnje.
Viktima është 24-vjeçari Elidon Hoxha, djali i viktimës së parë të ngjarjes, Roland Hoxha (Verçani),
Ngjarja ndodhi rreth orës 16:05 te “rreth-rrotullimi i Plasmasit”, në zonën industriale të qytetit. Zyrtarisht, policia lokale bëri me dije se “në një kapanon në ndërtim, dyshohet se gjatë punës, një vinçier duke drejtuar një vinç, aksidentalisht ka prekur linjën e tensionit të lartë dhe për rrjedhojë ka ndodhur një shpërthim i fuqishëm”.
Në një prononcim për mediat nga spitali i Lushnjes pas ngjarjes, ministri i Brendshëm Taulant Balla tha për gazetarët se Roland Verçani, i cili mbeti i vdekur, ishte vinçieri që po drejtonte mjetin kur ndodhi shpërthimi. Ai shtoi se djali i tij (viktima e dytë) ishte gjithashtu brenda mjetit.
Lexo edhe:
Shpërthimi trondit Lushnjen, 2 të vdekur dhe 7 të plagosur, mes tyre deputeti i PS
