Dy vëllezër janë arrestuar nga policia në Fier pasi janë kapur duke lëvizur me armë zjarri nëpër qytet.
Gjithashtu në pranga ka rënë edhe një 50-vjeçar për armëmbajtje pa leje.
Blutë bëjnë me dije se në momentin që kanë parë shërbimet e Policisë, tre shtetasit kanë tentuar të largohen dhe të fshehin armët duke i hedhur në një zonë me bimësi, por nuk kanë mundur dot të largohen pasi janë kapur.
“Si rezultat i operacionit, shërbimet e Policisë kapën dhe arrestuan në flagrancë në fshatin Fermë Çlirim, shtetasit 25 vjeç, 24 vjeç (vëllezër) dhe 50 vjeç, të tre banues në fshatin Sulaj, Fier. Këta shtetas qarkullonin të armatosur dhe në momentin që kanë parë shërbimet e Policisë, kanë tentuar të largohen dhe të fshehin armët duke i hedhur në një zonë me bimësi, por nuk kanë mundur dot të largohen pasi janë kapur nga shërbimet e Policisë.
Ndërkohë, 2 armët e zjarrit pistoleta janë sekuestruar në cilësinë e provës materiale, si edhe 2 automjete të blinduara, që u gjetën gjatë kontrollit të ushtruar në një karburant.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
