Detaje të reja kanë dalë në dritë nga ngjarja që ndodhi në Pogradec pasditen e sotme ku u plagos me armë zjarri shtetasi Alted Jolldashit 35-vjeç.
Ngjarja ndodhi në vendin e quajtur ‘Kryqëzimi i Tushemishtit’, dhe autori është identifikuar si Deist Meko, i cili është shpallur tashmë në kërkim.
Deko ka qëlluar me dy plumba në shpatull Jolldashin i cili aktualisht ndodhet në spital nën kujdesin e mjekëve.
Sakaq, mësohet se pak muaj me parë Jolldashi u dhunua dhe përfundoi në spital, por nuk tregoi asnjë person që mund të dyshonte. Ky rast dyshohet të ketë lidhje me plagosjen e sotme.
Njoftimi i Policisë së Pogradecit:
Më datë 01.03.2024, rreth orës 16:30, në vendin e quajtur ‘Kryqëzimi i Tushemishtit’, gjatë një konflikti të çastit, dyshohet se ka mbetur i plagosur me armë zjarri shtetasi A. J., 35 vjeç, i cili u dërgua në spitalin e Pogradecit për ndihmë mjekësore, ku ndodhet jashtë rrezikut për jetën.
Shërbimet e Policisë menjëherë kanë shkuar në vendngjarje dhe kanë bërë të mundur identifikimin e autorit të dyshuar të ngjarjes shtetasit D. M. Janë ngritur pika kontrolli në hyrje-daljet e qytetit, me qëllim kapjen dhe vënien para përgjegjësisë të autorit të dyshuar.
Grupi hetimor në drejtimin e Prokurorisë po punon për zbardhjen e plotë të rrethanave të kësaj ngjarjeje.
