Partizani pret nesër Kukësin në stadiumin “Arena e Demave”. Ndeshja është e vlefshme për javën e 26-të Superiores dhe do të nisë në 17:00.
Orges Shehi është shprehur optimist në konferencën e zakonshme për shtyp, ndërsa tregon se objektiv i vetëm është ndeshja e radhës. Kështu synohet vetëm nisja e një cikli fitues.
Pengesa e parë është Kukësi, që po kalon formën më të keqe në kampionatin shqiptar dhe mban vendin e fundit. Arinaldo Rrapaj është mungesë e sigurt, për shkak të kartonit të kuq që mori ndaj Skënderbeut. Po ashtu Mensah që u dëmtua dhe pritet të mungojë rreth 2 javë.
Mungesa e Rrapaj, pritet të zëvendësohet me Maguette që kthehet. Në anën tjetër Buxhelaj me shumë gjasa do të ulet në stol. Rikthim tjetër do të jetë ai i Carës, ndërsa dhe Taipi projektohet titullar.
FORMACIONI I MUNDSHËM:
Partizani: Hoxha; Atanaskoski, Sota, Sembene, Hadroj; Mehmeti, Maguette, Murataj; Taipi, Mba, Cara
