Një ngjarje e rëndë ka ndodhur këtë të mërkurë në Pukë. Një 55 vjeçar dyshohet se është vetëvrarë me armë zjarri në banesën e tij.
Ngjarja ka ndodhur në fshatin Porav, ndërsa ende nuk dihet se çfarë e ka shtyrë burrin të marrë këtë akt ekstrem.
“Më datë 28.02.2024, rreth orës 13:30, në fshatin Porav, shtetasi L. N., 55 vjeç, dyshohet se është vetëvrarë me armë zjarri pistoletë, në banesën e tij”, thuhet në reagimin e policisë.
Sakaq grupi hetimor po shkon në vendngjarje për sqarimin e rrethanave të vetëvrasjes.
