Një trup i pajetë është gjetur në bodrumin e një ndërtese në rrugën Gjilan-Kamenicë. Trupi i tij është gjetur nga banorët e ndërtesës dhe sipas autoriteteve ai sapo kishte ardhur nga Zvicra.
Sipas mediave të Kosovës, në xhep atij i janë gjetur 3 telefona celularë dhe rreth 80 mijë franga, ndërsa ende nuk dihet nëse kemi të bëjmë me një atentat apo vdekje natyrale.
Lajmin për vdekjen e tij e ka konfirmuar policia, sot gjatë ditës.
“Rreth orës 22:37, Policia e Kosovës stacioni policor në Gjilan kanë marrë një informatë se në bodrumin e një ashensori të një ndërtese në rrugën Gjilan-Kamenicë është vërejtur një person i cili dyshohet të jetë i vdekur.
Lidhur me rastin është informuar prokurori i shtetit dhe të gjitha njësitet relevante, ku me urgjencë kanë dalë në vendin e ngjarjes.
Prokurori i shtetit ka urdhëruar që trupi i pajetë të dërgohet në obduksion”, ka konfirmuar policia.
