Anëtari i kryesisë së PD-së, Belind Këlliçi tha këtë të martë se një nga dy kompanitë fituese të Eko Parkut në Durrës ka përfituar 1.4 milionë euro për punë të pakryera nga inceneratori i Tiranës.
Ai tha se në total, janë 13 milionë euro të paguara nga inceneratori i Tiranës për punime të pakryera.
“Para pak ditësh është bërë publik bilanci i vitit 2022 për inceneratorin e Tiranës. Mënyra se si janë zhdukur paratë, meqë SPAK nuk di se ku kanë shkuar paratë. Këtu kemi disa pagesa për disa punë të parapaguara dhe të pakryera. Rezulton se subjekti ‘De Mare’ është paguar 1.4 milionë euro për punë të pakryera. Incenerator nuk ka në landfill. Por kush është kompania? Kompania ‘De Mare’ është e njëjta kompani që ka fituar Eco Parkun në Durrës, me firmën e Edi Ramës. Është e njëjta kompani që i jepte 7 mln euro shoferit të Mirel Mërtirit”, tha Këlliçi në emisionin “A Show” në Syri.net.
Ai shtoi se kompania ITS-ja e Klodian Zotos ka marrë 12 mln euro nga inceneratori për punë të pakryera.
“Vetëm në vitin 2022 i janë dhënë Klodian Zotos 12 mln euro për punë të pakryera. Në cilin vend të botës janë ndeshur prokurorët me këto lloj dokumentesh. Nëse kanë vullnet këtu i kanë të gjitha”, deklaroi Këlliçi.
