Ndeshja e fundit e kampionatit të Katarit mes Al-Wakra dhe Al-Sadd shkaktoi më shumë se një polemikë.
Sheiku Khalifa bin Hassan Al-Thani, presidenti i vendasve, në fakt doli në fushë për të protestuar kundër arbitrit për akordimin e një penalltie.
Ndeshja në fjalë mes Al-Wakra dhe Al-Sadd përfundoi 0-0, pavarësisht një penalltie të akorduar për miqtë në minutën e 70-të.
Një vendim që tërboi presidentin e Al-Wakra, i cili madje doli në fushë nga tribuna për të protestuar kundër arbirit të ndeshjes.
Pavarësisht kësaj, pas disa minutash sikleti të përgjithshëm në të cilin lojtarët u përpoqën në çdo mënyrë të qetësonin tërbimin e presidentit, arbitri nuk e ndryshoi vendimin, duke konfirmuar penalltinë.
Në fund Afif, heroi i kombëtares së Katarit në Kupën e fundit të Azisë, dështoi nga 11 metrat, me ndeshjen që u mbyll në barazim.
🇶🇦 A football match was stopped due to the president of Al-Wakrah Club, Sheikh Khalifa bin Hassan Al-Thani, protesting against the decisions of the match referee and wanted to withdraw his players after the ref awarded the opposition with a penalty. pic.twitter.com/8FjEfgQy68
— AlAudhli العوذلي ™ (@alaudhli) February 25, 2024
