Një 42-vjeçar është arrestuar në Fier, nën akuzën e grabitjes.
Policia bën me dije se në pranga ka rënë shtetasi Orjon Llupo, pasi ka tentuar të grabisë një kioskë në lagjen “1 Maji” të qytetit.
“Patrullat e Policisë së Komisariatit Fier kanë marrë informacion se në lagjen “1 Maji” dikush po tenton të grabisë një kioskë duke thyer xhamat dhe janë venë në ndjekje të autorit.
Si rezultat nga Specialistët për Hetimin e Krimeve të Komisariatit të Policisë Fier në bashkëpunim me shërbimet e Patrullës së Pergjithshme u bë e mundur kapja dhe arrestimi në flagrancë i shtetasit Orjon Llupo, 42 vjeç, banues në Lushnjë”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
