Një aksident me një person të plagosur ka ndodhur këtë të enjte në kryeqytet, pranë zonës së Freskut. Një kamion është batuar në rrugën “Ramazan Gaxherri” duke përplasur tre makina të parkuara.
Nga aksidenti, ka mbetur i lënduar shoferi i kamionit.
“Rreth orës 13:10, shtetasi B. D., 26 vjeç, duke drejtuar mjetin tip kamion, ka humbur kontrollin mbi drejtimin e tij dhe për pasojë mjeti ka dalë nga rruga, duke dëmtuar 3 mjete të tjera të parkuara. Shtetasi B.D., për shkak të dëmtimeve, është dërguar në spitalin e Traumës, për ndihmë mjekësore. Grupi hetimor po punon për sqarimin e rrethanave të aksidentit“, njoftoi policia.
