Një plagosje me thikë raportohet të ketë ndodhur në Berat. Një 61-vjeçar ka goditur me thikë djalin e motrës së tij, një 46-vjeçar, për motive të dobëta.
Si pasojë 61-vjeçari është arrestuar nga policia. Ndërkohë 46-vjeçari është transportuar në spital dhe ndodhet jashtë rrezikut për jetën.
Njoftimi i Policisë:
Specialistët e Seksionit për Hetimin e Krimeve të Komisariatit të Policisë Kuçovë arrestuan në flagrancë shtetasin T. K., 61 vjeç, banues në Kuçovë, pasi mbrëmjen e djeshme, dyshohet se për motive të dobëta, ka dëmtuar me mjet prerës (thikë), djalin e motrës së tij, shtetasin G. V., 46 vjeç, banues në Kuçovë, i cili është jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
