Deputeti demokrat Ervin Salianji ka deklaruar se protesta e djeshme e opozitës tregoi se qytetarët e lirë kanë kurajë dhe se Shqipëria ka ende shpresë.
Salianji shprehet se protesta e djeshme tregoi se vendi ynë meriton një qeverisje transparente e llogaridhënëse, ku respektohen të drejtat e njeriut.
“Mes demokratëve dhe qytetarëve të lirë e me kurajo që treguan dje se Shqipëria ka shpresë. Treguan se vendi ynë meriton një qeverisje transparente e llogaridhënëse, një vend ku respektohen të drejtat e njeriut, ku ka zgjedhje të lira e të ndershme, ku luftohet korrupsioni e krimi. 20 shkurti do të mbahet mend si rezistencë e fortë ndaj sundimit dhe hapi i parë e i sigurtë drejt Shqipërisë europiane, aspiratë e ndërprerë dhunshëm këto 11 vite nga Edi Rama!“- shkruan Salianji krahas pamjeve nga protesta.
