Albana Tole e cila mbante postin e zëvendësministres së Arsimit dhe Sportit, është liruar nga detyra këtë të mërkurë, me vendim të Këshillit të Ministrave.
“Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave vendosi: znj. Albana Tole, zëvendësministër i Arsimit dhe Sportit, lirohet nga kjo detyrë. Ky vendim hyn në fuqi menjëherë”, thuhet në VKM.
Tole ishte emëruar në këtë detyrë në vitin 2021 kur Ministria e Arsimit dhe Sportit drejtohej nga Evis Kushi.
