Eshtë paraqitur mëngjesin e kësaj të marte në gjykatën greke, 39-vjeçari shqiptar, Gentian Mino, i cili vrau partneren e tij rumune 4 ditë më parë në Heraklio të Kretës.
Mino u paraqit në prokurori një ditë pas ngjarjes, ku u vendos ndjekja penale për vrasje me dashje në gjendje të qetë shpirtërore, armëmbajtje pa leje dhe qarkullim me armë. 39-vjeçari kërkoi të shtunën afat ditën e sotme për procesin e shfajësimit para hetuesisë.
Si u krye krimi?
Autori 39-vjeçar nga Shqipëria, me precedentë të mëparshëm për drogë, dyshohet se ka qenë i dehur kur është kthyer në shtëpinë ku jetonte me partneren e tij 29-vjeçare rumune.
Më pas me armën që e posedonte në mënyrë të paligjshme e ka qëlluar për vdekje në kokë dhe ka telefonuar autoritetet.
39-vjeçari ka pranuar krimin duke thënë se ka qëlluar me pistoletë partneren e tij.
Arma e krimit u gjet në një tavolinë brenda shtëpisë dhe kishte tre gëzhoja, ndërsa në vendngjarje u gjet edhe një gëzhojë.
