Pasditen e kësaj të marte, në orën 17:30 pritet të mbahet protesta e thirrur nga opozita para Kryeministrisë, në Bulevardin ‘Dëshmorët e Kombit’.
Kjo është protesta e parë, ku Berisha nuk do të jetë prezent fizikisht për shkak të masës ‘arrest shtëpiak’, por mësohet se Berisha do të flasë përmes teknologjisë në protestë.
Bëhet me dije se mbi 1100 forca të policisë, duke nisur nga ato të rendit, FNSH, Shqiponjat dhe Garda e Republikës, do të jenë në terren për mbarëvajtjen e protestës. Policia ka instaluar përgjatë gjithë bulevardit ‘Dëshmorët e Kombit’ kamera me rezolucion të lartë.
Sakaq segmentet rrugore që janë të bllokuara 2 orë para nisjes së protestës deri në përfundim të saj janë:
Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.
