I ftuar në intervistën e Fax News, zoti Edi Paloka foli rreth protesës së opozitës, e cila do të zhvillohet ditën e nesërme.
I pyetur nga Albi Rakip se përse populli shqiptar duhet të jetë i pranishëm nesër, Paloka u përgjigj:
“Shqiptarët duhet të protestojnë për të rrëzuar këtë regjim diktatorial. Duhet të ngrihen të gjithë studentët, fermerët, pensionistët, kushdo që ka protestuar gjithë këto vite dhe nuk ka marrë asgjë përveç arrogancës së kësaj qeverie. Dhe jo vetëm këta, por edhe çdo qytetar që ndjehet komod. Duhet ta ndjejnë se e keqja është në derën e tyre, po troket e po pret që t’i hapet dera. Nuk mundet dikush të jetë i pakënaqur e ta shprehë këtë nga kafeneja apo shtëpia, duhet të ngrihet e të protestojë”.
Paloka u shpreh se 20 shkurti është një ditë simbolike për të gjithë shqiptarët. Ai krahasoi regjimin e Edi Ramës me atë të Enver Hoxhës.
“Hoxha nuk të linte të dilje nga Shqipëria, ndërsa Rama të largon. Janë mbi 1 milionë shqiptarë të ikur”, tha ai.
–Albi Rakip: A do të ketë frymë protesta e nesërme, çfarë ka treguar terreni gjatë këtyre ditëve?
–Edi Paloka: Qëllimi ynë është pjesëmarrja e qytetarëve. Kjo për faktin se kemi mbi 2 vite që jemi në një situatë të papranueshme brenda në Partinë Demokratike dhe na duhet që nesër t’i kërkojmë shqiptarëve ta shprehin pakënaqësinë e tyre në protestë. Ka njerëz që kërkojnë më tepër se kaq. Kërkojnë rrëzim me dhunë të qeverisë. Këtë e thonë shumë njerëz. Disa thonë “mos na nxirrni nëse nuk do ketë revoltë.
