Bayern Munich po kalon një nga momentet më të vështira në 10 vitet e fundit. Skuadra bavareze ka marrë 3 humbje radhazi, teksa rrezikon ta mbyllë sezonin pa asnjë trofe. Në Champions League u mposhtën në ndeshjen e parë nga Lazio, ndërsa në kampionat renditen në vendin e dytë me plot 8 pikë më pak se Leverkusen kryesues.
Kjo ka bërë që pozitat e trajnerit, Thomas Tuchel të luhaten goxha. Pavarësisht humbjes së mbrëmshme përballë Bochum me rezultatin 3-2, drejtuesit bavarezë mesa duket i kanë dhënë një mundësi të fundit Tuchel, sfidën përballë Lazios. Por edhe në rast kualifikimi, Tuchel pritet të shkarkohet, me Bayernin që mesa duket thjeshtë po merr kohë për të gjetur pasuesin.
Teksa “bombën” e plas faqja e njohur e transferimeve, “Transfermarkt”. Këta të fundit raportojnë se një mundësi konkrete është Zinedine Zidane.
Ish-trajneri i Realit që është i papunë që nga viti 2019, është opsion mëse i mundshëm për të marrë drejtimin e Bayernit, me teknikun francez që shihet si shpëtim nga drejtuesit bavarezë. Pritet të shihet nëse Bayern Munich do ia dalë ta bindë Zidane.
