Eksperienca e dytë e Walter Mazzarrit si trajner i Napolit ka zgjatur 17 ndeshje.
Sipas Sky Italia, klubi napoletan ka vendosur të largojë teknikun, edhe pse zyrtarizimi nuk ka mbërritur ende.
Ka qenë presidenti De Laurentiis që e ka parë të arsyeshme të bëjë këtë ndryshim, për shkak të rezultateve jo të mira.
Po sipas medias italiane, pasardhësi i tij do të jetë Francesco Calzona. Trajneri sllovak, ish zëvendësi i Sarrit dhe Spalletit te Napoli do të firmosë një kontratë deri në përfundimin e këtij sezoni.
Kampionët e Italisë renditen në vendin e nëntë me 36 pikë, shumë pak në krahasim me objektivat e vendosur në fillim të sezonit.
Fillimisht u largua Spalleti për të marrë drejtimin e Italisë, më pas erdhi Rudi Garcia-s, por ky i fundit pati vetëm fatin e Mazzarrit.
Napoli synon që të shpëtojë sezonin, teksa përveç përmirësimit të renditjes në kampionat, vëmendja është edhe nga Champions League, ku përballë do jetë Barcelona.
