Dy banesa u shkrumbuan nga flakët pasditen e sotme në Gjirokastër.
Burime nga zjarrëfikësit bëjnë me dije se rreth banesave të djegura janë gjetur edhe municion, fishekë të braktisur, të cilët kanë vënë në rrezik jetën e punonjësve të zjarrfikësve.
Flakët që dyshohet se janë shkaktuar nga një shkëndijë elektrike kanë nisur nga çatia. Në banesat e vjetra jetonin gjithsej tre persona. Një çift të moshuarish dhe në banesën tjetër vetëm një burrë. Sapo kanë parë zjarrin, ata kanë dalë nga shtëpitë që janë përfshirë menjëherë nga flakët pasi janë me dru dhe të amortizuar.
Fatmirësisht nuk pati të lënduar.
