Kreu i Partisë së Lirisë, Ilir Meta është shfaqur në palestër duke bërë stërvitje, dy ditë para protestës së opozitës më 20 Shkurt.
Meta ka postuar një video në rrjetet sociale duke “forcuar muskujt”, teksa u uron ndjekësve një të dielë aktive.
“Mirëmëngjes të dashur miq. Ju uroj të gjithëve një të diel aktive”, shkruan kreu i PL-së, krahas videos.
Kujtojmë që Partia e Lirisë është pjesë e Konfederatës së Opozitës, e cila u institucionalizua ditën e premte, ku në emër të kësaj force politike merrte pjesë Petrit Vasili. Ndërkohë vetë Ilir Meta i pyetur në lidhje me protestën e 20 shkurtit, ka deklaruar pak ditë më parë se mbështet çdo protestë.
