Një plagosje me armë zjarri ka ndodhur pasditen e kësaj të shtunë në Tiranë, te “Rruga e Elbasanit”.
Sipas policisë, dy fqinjë janë konfliktuar me njeri-tjetrin dhe një prej tyre ka qëlluar tjetrin me armë zjarri në këmbë. Autori i dyshuar i identifikuar si Amarildo Kamberi, është shpallur në kërkim.
Ndërsa i lënduari Xhevahir Kolaveri ndodhet në spital, ku po merr ndihmë mjekësore.
“Rreth orës 17:35, në Rrugën e Elbasanit, shtetasi A.K. (Amarildo Kamberi) dyshohet se ka plagosur me armë zjarri në këmbë shtetasin (Xhevahir Kolaveri), rreth 47 vjeç, (fqinj me njëri-tjetrin), i cili ndodhet në spital, në kujdesin e mjekëve. Shërbimet e Policisë po vijojnë krehjen e zonës për kapjen e autorit të dyshuar. Grupi hetimor po punon për sqarimin e rrethanave të ngjarjes”, thuhet në njoftimin e policisë për ngjarjen.
Shkak për këtë ngjarje dyshohet të jetë bërë një konflikt banal mes fqinjëve. Konflikti dyshohet se lindi për shkak të vendosjes së pengesave në rrugë për të mos lejuar lëvizjen e automjeteve.
