Sekretari Amerikan i Shtetit, Antony Blinken është takuar sot me përfaqësues të drejtësisë në Tiranë. Pak para takimit te Piramida, Blinken është takuar për disa minuta me kreun e SPAK, Altin Dumani.
Mes të pranishmëve në takim ishin kreu i gjykatës së Lartë, Sokol Sadushi, kryetarja e Gjykatës Kushtetuese, Holta Zaçaj dhe kreu i ILD-së, Artur Metani.
Por edhe pse u përfol për një darkë mes Blinken dhe Dumanit, takimi mes tyre ka zgjatur vetëm disa minuta në këmbë.
Me ç’duket Dumani i ‘frikshëm’ është lënë në një takim në këmbë me Blinkenin sa për t’u përshëndetur dhe për të dëgjuar lavdërimin e sekretarit për Ramën si kryebashkiak që ka ngjyrosur Tiranën kur ishte kryetar bashkie.
Ende nuk ka një konfirmim zyrtar me kë do darkojë Sekretari i Shteti Blinken sonte, me Ramën, Dumanin apo me asnjërin. Në njoftimin e Ambasadës së SHBA-ve u lajmërua takimi me anëtarët e sistemit të drejtësisi, por pa u specifikuar nëse bëhej fjalë për takimin vetëm sa për t’i dhënë dorën, apo do uleshin shtruar për darkë.
