Rei Manaj ka marrë gjithë vëmendjen e futbollit turk. Pas spektaklit dhe golave në fushë, ekspertet e futbollit turq e kanë përzgjedhur në formacionin më të mirë të javës.
Manaj ishte protagonist edhe në fitoren e fundit të Sivaspor ndaj Rizespor, pasi me golin e tij i siguroi 3 pikë skuadrës. Manaj është kthyer në një titullar të padiskutueshëm tek Sivaspor.
Aktualisht shqiptari është aktivizuar në 24 ndeshje ndërsa ka shënuar 16 gola, 12 në Superligë dhe 4 në Kupën e Turqisë.
