Një aksident me pasojë vdekjen ka ndodhur pasditen e kësaj të mërkure në guroren e njohur si “Babasi 2”, në Krujë.
Një punëtor, i identifikuar si Lulzim Balla, 38-vjeç, është ndjerë keq dhe është rrëzuar në tokë përpara një kamioni që ka qënë në lëvizje. Si pasojë 38-vjeçari është shtypur nga kamioni i tonazhit të rëndë.
Mësohet se ai është dërguar në spital për ndihmë mjekësore, por nuk ka mundur të mbijetojë.
Sakaq shoferi i kamionit është shoqëruar në polici dhe po punohet për sqarimin e rrethanave te ngjarjes.
Njoftimi i policisë:
Më datë 14.02.2024, në ambientet e një pike grumbullimi mjetesh (automjete/mjete pune), shtetasi B. L., duke drejtuar një mjet trajler, ka dëmtuar shtetasin J. B., 37 vjeç, i cili si pasojë e dëmtimeve të marra, ka ndërruar jetë.
Shtetasi B. L., është shoqëruar në komisariat për veprime të mëtejshme procedurale.
Grupi hetimor po punon për sqarimin e rrethanave të ngjarjes.
