Një 49 vjeçar është zhdukur pa gjurmë në qytetin e Korçës.
Denoncimin për zhdukjen e tij e ka bërë e motra 66 vjeçare. Ajo ka shkuar në polici dhe ka kallëzuar se kanë humbur kontaktet me të vëllanë prej tre ditësh, dhe nuk e dinë vendndodhjen e tij.
Policia po punon për gjetjen e tij.
Njoftimi i policisë:
“Më datë 10.02.2024, në Komisariatin e Policisë Korçë, është paraqitur shtetasja D. M., 66 vjeçe, banuese në fshatin Biranj, e cila ka kallëzuar se ka humbur kontaktet me vëllanë e saj, shtetasin F. M., 49 vjeç, për vendndodhjen e të cilit, nuk ka dijeni. Menjëherë pas kallëzimit kanë nisur verifikimet, nga të cilat ka rezultuar se 49-vjeçari ka hyrë në Shqipëri, nga Greqia. Vijon puna për gjetjen e tij”.
