Tirana do të presë Erzenin pasditen e sotme në orën 17:00 në Air Albania për të zhvilluar ndeshjen e javës së 23-të të Superiores.
Skuadra ka mbyllur përgatitjet ditën e djeshme dhe trajneri Julian Ahmataj ka ende dilema për formacionin titullar. Lulaj është i vetmi në dyshim teksa dëmtimi i pësuar 2 ditë më parë e mbajti jashtë seancës stërvitore.
Megjithatë, dilema më e madhe është të futet ‘all-in’ pasi 3 pikët janë detyrim apo të ‘kursehet’ për derbin me Partizanin.
Janë Rimal Haxhiu dhe Ardit Deliu ata që rrezikojnë të mungojnë në derbi nëse ndëshkohen me karton të verdhë sot.
I pari duket i sigurt në formacion për shkak se s’ka alternativa, ndërsa Deliun mund ta zëvëndësojë Jonuzi.
‘Risia’ është Patrick, i cili ka lënë pas dëmtimin dhe mund të luajë ndeshjen e parë si titullar që do të shërbejë edhe si një test para derbit.
Formacioni i mundshëm:
Tirana (4-3-3): Abdullahu; Haxhiu, Najdovski, Hoxhallari, Përgjoni; Jonuzi (Deliu), Meta, Lushkja; Patrick, Abazaj, Latifi.
Trajner: Julian Ahmataj
