Një 35-vjeçar është plagosur me thikë në Skrapar pas një sherri me një 36-vjeçar i cili u arrestua nga policia.
I plagosuri është jashtë rrezikut për jetën.
“Specialistët e Seksionit për Hetimin e Krimeve të Komisariatit të Policisë Skrapar arrestuan në flagrancë shtetasin L. B., 36 vjeç, banues në Çorovodë, pasi dyshohet se gjatë një konflikti për motive të dobëta, ka goditur me mjet prerës (thikë), shtetasin H. I., 35 vjeç, banues në Skrapar, i cili mori mjekim në spital dhe është jashtë rrezikut për jetën.”, thuhet në njoftimin e policisë.
Materialet procedurale i kaluan Prokurorisë për veprime të mëtejshme.
