GJKKO ka pranuar pjesërisht kërkesën e SPAK për të zgjatur afatin e hetimit për dosjen e “Sterilizimit” me 1.5 muaj. Kërkesa e SPAK ishte për një zgjatje prej 3 muajsh.
Zgjatja e afateve i referohet personave në hetim Klodian Rrjepaj, Ilir Rapaj, Marsela Serjani dhe Saimir Kadiu.
“Prokuroria e Posaçme kundër Korrupsionit dhe Krimit të Organizuar më datë 06.02.2024 ka paraqitur pranë Gjykatës kërkesën me objekt: Zgjatjen e afatit të paraburgimit me tre muaj për personat nën hetim Klodian Rjepaj, Ilir Rapaj, Marsela Serjani dhe Saimir Kadiu. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Bani, bazuar në nenet 112 dhe dhe 264 pika 2 të K.Pr.Penale, me vendimin Nr. 95, datë 09.02.2024, vendosi: Pranimin pjesërisht të kërkesës së Prokurorisë së Posaçme kundër Korrupsionit dhe Krimit të Organizuar. Zgjatjen e afatit të paraburgimit për një periudhë 1 (një) muaj e 15 (pesëmbëdhjetë) ditë, për personat nën hetim Klodian Rrjepaj, Ilir Rapaj Marsela Serjani dhe Saimir Kadiu, duke filluar ky afat nga data 17.02.2024 deri në datën 01.04.2024“, thuhet në njoftim të gjykatës
Kujtojmë se ditën e djeshme, SPAK sekuestroi pasuritë e biznesmenit Ilir Rrapaj.
