Aktori Mehdi Malkaj i është bashkuar protestës së sotme poshtë banesës së kreut të PD-së Sali Berisha, në mbështetje të këtij të fundit, pas vendosjes së masës së sigurisë “arrest shtëpie”.
Gjatë fjalës së tij, Malkaj këshilloi Berishën që të njohë njerëzit që mban afër. Sipas aktorit, ish-kryeministrin e kanë tradhtuar ministrat, të cilët kur shkuan tek ai ishin me çorape të grisura.
“Doktor kam një gjë farë të vogël me ty, të uroj shëndet e jetë. Ty të kanë tradhtuar ministrat, që kur erdhën tek ty ishin me çorapë të grisura. Se rron ai që është injorant thotë Gëtja dhe që nuk e di që është injorant, ai të bën hatanë doktor. Ti për inat të të gjithëve ke lexuar një bibliotekë të tërë more lumadh, nuk mësove fare nga ato librat. Nuk i dallon dot njerëzit? Po dalloji o dalloji, janë me çorape të grisura, u vinë këmbët erë, mjafton të heqë këpucët ai dhe e merr vesh se ca është”, tha aktori Malkaj.
