Deputetja e PD-së Albana Vokshi tregoi se si disa deputetë të opozitës janë përjashtuar vetëm se ishin të pranishëm në seancë.
“Madje, madje, zoti Isuf Çela dhe dy tre kolegë të tjerë nuk i kanë pasur as pankartat në duar, thjeshtë janë përjashtuar sepse kanë qenë të pranishëm në seancë”, sqaroi Vokshi.
“19 deputetë të opozitës u përjashtuan vetëm se mbajtën pankarta në duar, se kemi protesuar në mënyrë paqësore. Madje, madje, zoti Isuf Çela dhe dy tre kolegë të tjerë nuk i kanë pasur as pankartat në duar, thjeshtë janë përjashtuar sepse kanë qenë të pranishëm në seancë.
Imagjinoni pak, zoti Gazmend Bardh, Flamur Noka, Asllan Dogjani dhe Nallbati janë përjashtuar për 20 ditë vetëm se u ndaluan për 45 minuta që të hyjnë në seancën plenarë të së hënës. Pra, a e imagjinoni se çfarë po ndodh? Në cilin vend të botës apo Europës ndodh kjo?
Por vendosmëria jonë është shumë e madhe për të protestuar derisa të na e respketojnë të drejtën tonë, e cila është kushtetuese. Ngritja e Komisioneve Hetimore, pra, funksionimi normal i Parlamentit , funksioni i kontrollit ndaj qeverisë dhe pushteteve të tjera, ligjbërja dhe diskutimi ashtu siç duhet duke diskutuar procedurat parlamentare dhe të procedurave ligjore në interes të popullit dhe jo oligarkëve.
Situata do të përshkallëzohet si brenda dhe si jashtë Parlamentit duke marrë parasysh të gjitha mënyrat, që nga ato të së henës deri tek më ekstremet.“, tha Vokshi.
