Detaje të reja kanë dalë në dritë nga vetëvrasja e 41-vjeçares Sh.K, mbrëmjen e kaluar në Berat.
Nëna e dy fëmijëve raportohet se ka pirë 3 kokrra fostoksinë pas një debati në telefon me bashkëshortin e saj, Ç.K, i cili prej një viti jeton në Selanik të Greqisë.
Banorë të fshatit Bilçë dhe të afërm të familjes shprehen për mediat se viktima ishte grua shumë e mirë, e edukuar dhe në fshat e donin të gjithë.
Sipas tyre, i vetmi problem i saj ishte mungesa e bashkëshortit Çlirim Kreku, i cili jetonte në fshatin Selanik të Greqisë dhe vinte shumë rrallë e rrinte pak ditë. Sipas tyre, gruaja kishte shfaqur shenja depresioni pasi zihej çdo ditë në telefon me bashkëshortin, të cilin i kërkonte të kthehej në shtëpi, pranë saj dhe fëmijëve.
41-vjeçarja ka kërkuar në momentet e fundit të jetës ta varrosnin në fshatin Banaj pranë familjes së saj. Këtë të enjte ajo është përcjellë për në banesën e fundit.
