Një aksident i rëndë automobilistik është regjistruar mbrëmjen e kësaj të enjte në aksin Sarande-Ksamil, ne vendin e quajtur “Kanali Çukës”.
Autoritetet policore bëjnë me dije se një makinë tip “Benz” me drejtues E. A., 20 vjeç, është përplasur me një makinë tip “Lancia”, i cili si pasojë e një difekti, po shtyhej nga drejtuesi D. Ç., 24 vjeç, dhe 3 shtetas të tjerë.
Si pasojë e aksidentit, njëri prej 3 shtetasve, që po ndihmonin drejtuesin e automjetit “Lancia”, konkretisht shtetasi i mitur E. Ç., 15 vjeç, së bashku me drejtuesin shtetasin D. Ç, janë dëmtuar dhe ndodhen në spital, në kujdesin e mjekëve, ku gjendja shëndetësore e 15-vjeçarit paraqitet e rëndë.
Drejtuesi i automjetit tip “Benz”, E. A, është shoqëruar në Komisariatin e Sarandës, për veprime të mëtejshme.
