Dramaturgu nga Kosova, Jeton Neziraj denoncoi publikisht pak ditë më parë se ai bashkë me një trupë aktorësh nga Kosova ranë pre e dhunës së policisë shqiptare, që i ngatërroi me disa të dyshuar që merreshin me trafik armësh.
Lidhur me këtë ka reaguar këtë të mërkurë ministri i Brendshëm Taulant Balla, i cili thotë se AMP ka nisur hetimin.
Në një postim në rrjetet sociale, ai shprehet më tej se “pretendimi për orët e tepërta mbajtjes në polici të tyre nuk qëndron, përkundrazi Policia e Shtetit ka vepruar shumë më shpejt se sa afati standard i verifikimeve, pikërisht sepse ka pasur parasysh statusin e aktorëve të ndodhur në vendngjarje, të cilët sidoqoftë nuk mund të liheshin të lirë pa u bërë të gjitha verifikimet”.
