Një 46-vjeçar në kërkim nga autoritetet italiane për trafik droge, është arrestuar në Golem. Në pranga u vu Erando Mara.
Aksioni për kapjen e tij erdhi “në bazë të informacioneve të siguruara nga inteligjenca policore dhe të shkëmbyera ndërmjet zyrave homologe të Interpolit”, njoftoi policia.
Gjykata e Firences i ka caktuar 46-vjeçarit, masën e sigurisë “Arrest në burg”, për veprimtaritë kriminale të posedimit, shitjes dhe trafikimit të lëndëve narkotike, të kryera në kuadër të organizatës kriminale.
Mara u vu në pranga me qëllim ekstradimi drejt Italisë.
