Personat që shihni në foton e mëposhtme janë Envis Gorellari dhe Fatjon Çiçi, përkatësisht 37 dhe 33 vjeç, të cilët u arrestuan ditën e sotme nga Policia e Tiranës, nën akuzën për trafik të lëndëve narkotike.
Blutë e kryeqytetit gjetën dhe sekuestruan në banesën e njërit prej tyre 1.5 kg kokainë.
Arrestimi i tyre u bë në rrugën Bulevardi i Kasharit nga agjentët e antidrogës të cilët kishin siguruar informacione se dy të rinjtë lëviznin me lëndë narkotike të llojit kokainë.
Pas ndalimit të tyre, efektivët e Policisë ushtruan kontroll në banesën e Envis Gorellarit ku u gjet dhe kokaina. Krahas arrestimit të tyre policia shpalli në kërkim dhe një person tjetër, shtesin me inicialet B. K., i cili ka dyshime të jetë bashkëpunëtor në këtë veprimtari kriminale.
Burime pranë policisë së Tiranës bënë me dije se Envis Gorellari dhe Fatjon Çiçi njihen si persona që furnizonin me kokainë shumë shpërndarës në zonën e Astirit dhe atë të Kombinatit në kryeqytet.
