Në lidhje me deklaratat e forta të Arben Ahmetaj, analisti Armand Shkullaku është shprehur se, SPAK nuk po na tregon dot se çfarë ka bërë Arben Ahmetaj në lidhje me aferën e inceneratorëve.
Sipas Shkullakut, cili është vendimi që ka marrë Ahmetaj dhe ka përfituar Mërtiri e Zoto.
“Këtë mua SPAK nuk ma thonë. Unë nuk po them se Ben Ahmetaj nuk u ka dhënë gjë, mund të ju ketë dhënë miliona, por dua të marr vesh nga SPAK se Arben Ahmetaj, me këtë vendim që ka marrë në këtë mbledhje, i ka hapur rrugën kësaj gjëja, që ky vendim nuk merrej pa Arben Ahmetaj.
Dhe SPAK pikërisht këtë gjë nuk do të bëjë sepse e di shumë mirë se si kemi ardhur tek inceneratorët, që nga shpallja e emergjencës në Elbasan, ajo mbledhja me zv/ministrat që gjysma ikën sepse nuk donin të linin firmën aty, dhe dhënia e kontratës pa negocim një kompanie anonime dhe kontratën e depozitoi në bankë dhe mori kredinë për të ndërtuar diçka pa pasur kokërr leku.
Ashtu incenerator bëjmë edhe unë e ti, Baton. Dalim e themi që do të bëjmë një incenerator dhe qeveria na jep lekët’, u shpreh gazetari Armand Shkullaku në SYRI TV.
