Deputeti, Oerd Bylykbashi, shprehet se kalimi “online” i Komisionit të Reformës Zgjedhore, duke lënë jashtë përfaqësimit shumicën brenda grupit të demokratëve, minon gurin e themelit për një proces gjithpërfshirës.
Ai shprehet ndër të tjera se ky proces është vijim i pazarit mes Bashës e Ramës.
“Është një pazar eventual midis Ramës e Bashës. Qartazi Edi Rama nuk kërkon konsensus, por ka dalë në një ekspeditë peshkimi për vota dhe ky peshk që mund t’i garantojë këtë tepsinë e Reformës Zgjedhore është Lulzim Basha. Ky sistem është toksik vret pluralitetin e partive në Parlament, prodhon një mazhorancë që s’përputhet me votën e mazhorancës. Kush është sistemi? Mund të fillojë që nga mazhoritari që edhe në rastin kur njëra palë i vjedh votën tjetrin. Duhet të gjejmë diçka që pastron zgjedhjet nga krimi zgjedhor por që garanton proporcionalitet ka opsione të ndryshme, dhe palët duhet të ulen”.- tha Bylykbashi.
