Në Fier është shënuar aksidenti i tretë brenda pak orëve.
Një automjet ka dalë ka përfunduar në kanalin anë të rrugës në vendin e quajtur “Ura e Bacinozit”, në aksin Fier- Seman. Në vendngjarje ka shkuar ambulanca dhe policia, ndërsa raportohet se drejtuesi i automjetit është plagosur dhe është dërguar drejt Spitalit Rajonal të Fierit. Një hetim ka nisur për zbardhjen e ngjarjes.
“Rreth orës 21:30, në aksin rrugor ‘Fier-Seman’, shtetasi E. R., 36 vjeç, duke drejtuar automjetin tip ‘Benz’, ka humbur kontrollin mbi drejtimin e automjetit dhe për pasojë automjeti ka dalë nga rruga. Si pasojë e daljes nga rruga është dëmtuar drejtuesi i mjetit, i cili ndodhet në spital, në kujdesin e mjekëve. Grupi hetimor vazhdon veprimet në vendngjarje për zbardhjen e plotë të rrethanave të aksidentit”, njoftoi policia.
