Presidenti i Barcelonës, Joan Laporta, foli për Superligën Europiane, e cila sipas tij, do të nisë aktivitetin në vitin 2025.
Në një prononcim të dhënë së fundmi, Laporta, zbuloi disa nga skuadrat që do të marrin pjesë, ku tha se anglezet në fillim nuk do të jenë.
“Superliga Europiane do të nisë brenda 2025-ës. Nuk më intereson nëse janë apo jo klubet angleze. Ato e kanë tashmë një Superligë, që është kampionati anglez. Do të jenë Reali e Barcelona, 4 klubet italiane si Interi, Milani, Roma e Napoli, francezët e Marseille, portugezet Porto, Benfica e Sporting Lisbona, holandezet Ajax e PSV dhe belget e Brugge dhe Anderlecht”, tha ai.
Vendimi i Gjykatës Europiane për Drejtësi ka hapur rrugën për kompeticionin më të ri për klube.
