Liria e konkurrencës për të organizuar kompeticione sportive pa lejen e monopolit të UEFA-s ishte vendimi ose ligji i radhës i aprovuar nga Gjykata e Drejtësisë së Bashkimit Europian, duke i dhënë dorë të lirë klubeve që nga 21 dhjetori i vitit 2023 e në vazhdim të vendosin vetë se ku duan të anëtarësohen dhe në çfarë kompeticioni të marrin pjesë në të ardhmen, në varësi edhe të interesit ekonomik.
Pavarësisht se klubet që ndahen nga UEFA do i duhet që të zgjidhin këtë ngërç më pas me kërcënimet që hasen me federatat e tyre, nuk ka dyshime se me lejimin e vendosur të lirisë së zgjedhjes sportive, edhe presidentët besnikë të Ceferinit tani nuk mund të kërcënojnë, siç bënin përpara dhënies së vendimit me dënimi e deri në skualifikime.
Edhe ky vendim ishte një tjetër hap i madh që revolucionon futbollin, ndonëse jo i vetmi. I pari dhe absolutisht shumë i rëndësishëm ish ligji “Bosman”, i cili mban emrin e futbollistit belg që vendosi të luftojë dhe të fitojë pikërisht i pari kundër vendimeve të UEFA.
Në vitin 1988 ai kalon te RFC Liezhi, ndërsa dy vite më vonë, teksa ishte në skadencë kontrate firmosi paraprakisht me Dunkerkë. Pasi mësoi këtë klubi i tij e la jashtë skuadre dhe mbi të gjitha i preu edhe rrogën. Dhe kaq mjaftoi që vetë Zhan-Mark Brosman t’i drejtohej edhe atëherë Këshillit të Drejtësisë së Bashkimit Europian dhe pas një beteje 5-vjeçare, ai jo vetëm fitoi kauzën dhe sot falë tij, lojtarët në skadencë kontratë, mund të gjejnë akordet me ekipe të tjera, kur kanë mbetur edhe 6 muajt e fundit të marrëveshjes…
Por në të njëjtën kohë ai i hapi rrugë edhe afrimit të lojtarëve jo komunitarë të Bashkimit Europian në skuadra të ndryshme, duke qenë se në atë epokë shumë prej tyre diskriminoheshin dhe nuk kishin ku të shprehnin talentin e tyre në Europë. Por ka edhe më shumë sesa kaq… Sepse së fundmi, Reali i Madridit ka fituar një tjetër kauzë që mund të përdoret edhe nga shumë klube të tjera në të ardhmen dhe lidhet me të drejtën e imazhit. Sipas ankesës së klubit të Florentino Perezit, shumë media abuzonin duke përfituar nga reklamimi nën logon e Realit të Madridit dhe bashkangjitjes së saj në momente të ndryshme të transmetimit. Por sipas ankesës së klubit spanjoll, e drejta televizive nis 2 minuta përpara ndeshjes dhe përfundon 1 minutë pas fundit të ndeshjes.
Çdo moment tjetër që kanalet televizive përdornin imazhe që lidheshin me klubin e Realit, qoftë edhe filmimin e autobusit të klubit me logon, ishin të detyruar të paguanin. Dhe gjykata i dha të drejtë Realit të Madridit për këtë, me televizionet tashmë që nëse duan që gjatë transmetimeve të tyre të tregojnë më shumë momente që lidhen me logon dhe skuadrën e Realit, duhet të paguajnë. Gjetje fenomenale…
