Bozo Mikulic do të jetë futbollisti më i ri i Partizanit. Është vetë klubi i kuq që bën zyrtare marrëveshjen me një postim në rrjete sociale.
“Klubi zyrtarizon arritjen e marrëveshjes me Božo Mikulić. Mbrojtësi kroat 27 vjeçar ka nënshkruar një kontratë për 1 vit e gjysëm me opsion rinovimi edhe për një tjetër sezon me kampionët. Mikulić përgjatë karrierës së tij ka qenë pjesë e Hajduk Split, Slaven Belupo dhe Messinës në Itali”,- shkruan klubi.
Mikulic do të bashkohet në stërvitje me grupin ku do të vihet në urdhërat e Orges Shehit në përgatitje për ndeshjen me Egnatian, të shtunën në Arenën e Demave.
Shtatlarti ka luajtur me gjigantin kroat të Hajduk Split, ndërsa më pas ka veshur dhe fanellat e Slaven Belupos dhe Messinës në Itali. Mikulic njihet për fizikun e tij.
Mbrojtësi i lindur në Split të Kroacisë ka luajtur disa ndeshje dhe me përfaqësuesen U-19 të vendit.
