Skënderbeu menjëherë pas fitores spektakolare me Tiranën në kampionat e ka ktheyr fokusin te sfida e radhës në Superiore. Korçarët do të udhëtojnë në “Niko Dovana” për të sfiduar Teutën në kuadër të javës së 22-të të Superiores.
Takim ky që do të luhet ditën e shtunë në orën 17:00 dhe ku “Ujqërit e Dëborës” do të tentojnë një tjetër 3 pikësh për të tentuar një vend në “Final – Four”. Për këtë përballje Ivan Gvozdenovic “qan e qesh”.
Trajneri do të ketë dy rikthime të rëndësishme, por ndërkohë do të mungojnë dy të tjerë. Rikthehen nga pezullimi Ramos dhe Rabiu, të cilët do të mund të japin kontributin e tyre ndaj durrsakëve.
Ndërkohë nga ana tjetër , Gvozdenovic do të duhet të bëjë llogaritë pa Marko Alian dhe Klevis Shaqe. Të dy do të mungojnë po për shkak kartonës, pasi kanë plotësuar numrin 4 të tyre.
