Ish-zv/kryeministri, Arben Ahmetaj, ka deklaruar se ka kundërshtuar kanabizimin e vendit që në vitin 2014.
Në një intervistë për Syri TV, sipas Ahmetajt, në mbledhjet e qeverisë në Durrës dhe Gjirokastër në 2014 ka folur për kanabizimin duke thënë që kjo do fuqizojë vetëm krimin.
Çim Peka: Pse nuk keni folur kaq hapur pas 13 vitesh në qeveri? Do duhej të ishit në këtë pozicion të flisnit, pra të ishit vet viktimë?
Arben Ahmetaj: Ka dy të vërteta që duhen përmendur. E para, cdo njëri nga ne ka përgjegjësinë morale që me naivitetin tonë dhe besnikërinë publike kemi lënë të krijohet kjo gjendje dhe e dyta asnjë nga ne nuk i shpëton përgjegjësisë morale.
Njerëz jemi dhe gjatë rrugës kemi bërë dhe gabime naiviteti, besnikërie. Por unë kam folur nëpërmjet mënyrave publike dhe jo publike. Ulja e borxhit, vendosja e tavanit ne 5% vitin e kaluar. Kjo është të flasësh me vepra. Kjo është puna që kam bërë unë.
Unë në mbledhjet e qeverisë në Durrës dhe Gjirokastër në 2014 kam folur për kanabizimin dhe kam thënë që kjo do fuqizojë vetëm krimin.
Nuk besoj se sot do dalë dikush e të thotë se Ben Ahmetaj e ka thënë këtë.
Çim Peka: Cili ishte reagimi i kryeministrit?
Arben Ahmetaj: Ska rëndësi. Kjo gjë vërtetohet me letra.
Çim Peka: Nëse ju keni folur kundër kanalizimit në mbledhje qeverie dhe pas këtij kundërshtimi të kësaj platforme, kryeministri ju ka bërë ministër dhe ju ka dhënë poste, do të thotë se nuk ka qenë i zemëruar me ju dhe ka menduar si ju, por këtë gjë e paska ministri, ai djali që bëri burg.
Arben Ahmetaj: Nuk është shumë e rëndësishme …
Çim Peka: Është shumë e rëndësishme për publikun…
Arben Ahmetaj: Mund të jetë e rëndësishme për publikun, ne kemi kohë të flasim për detaje të këtyre edhe në të ardhmen, nëse do të vazhdoj të jem ky që jam në këmbë. Më the s’ke folur, po kam folur…
Çim Peka: Kanabizimi ishte kriminalizimi i ekonomisë…
Arben Ahmetaj: Për mua, unë e kam shprehur vazhdimisht. Sot nuk ka kush këllqe të thotë, po Ben Ahmetaj ka qenë kundër, ka kërkuar me forcë eradikimin e kanabisit sepse do të fuqizojë krimin. Ashtu ndodhi. Sot grupet kriminale spunton e parë e kanë marrë nga kanabizimi. Nuk diskutohet. Po Kolumbia ku është. Po qe do të ishte Kolumbia vendi më i zhvilluar në botë.
