Një 18-vjeçar është arrestuar nga policia pasi ditën e djeshme ka aksidentuar tre shtetas të mitur. I riu nën drejtimin e një automjeti Range Rover, ka përplasur në zonën e Kamzës tre të mitur të moshave 16 dhe 17 vjeç.
Gjendja e fëmijëve të plagosur është e mirë.
“Specialistët e Komisariatit të Policisë Rrugore Tiranë arrestuan shtetasin E. Rr., 18 vjeç, banues në Tiranë, pasi ditën e djeshme, në Kamëz, duke drejtuar mjetin tip “Range Rover”, ka aksidentuar lehtë 3 shtetas të mitur, të moshave 16 dhe 17 vjeç.“- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme”, thuhet në njoftimin e policisë.
