Dy shqiptarë janë arrestuar në Bolonja të Italisë, pasi u kapën me 4 kg kokainë, 1.5 kg marihuanë dhe 20 mijë euro cash në banesë. Prej disa ditësh oficerët e policisë, kishin ndjekur dy shqiptarët, pas një denoncimi për hyrje-dalje të çuditshme në një apartament në via Della Pietra.
Policia tentoi ta ndalonte për kontroll një nga të rinjtë, por ai përplasi dy agjentë të policisë me makinën e tij dhe u largua. Në momentin e ndalimit shoferi i makinës hodhi nga dritarja një tufë çelësash dhe një sasi lëndësh narkotike, shkruajnë mediat italiane.
Pas kontrollove të të rinjve dhe banesë së tyre u gjetën u gjet kokainë me peshë afërsisht 4 kg, marihuanë me peshë 1.5 kg dhe një shumë prej 20 mijë eurosh cash. Dy të rinjtë shqiptarë të moshës 22 dhe 28 vjeç pa precedentë penalë u arrestuan dhe u dërguan në burg. Droga e cila tregtohej në qytet do t’i kishte sjellë atyre të ardhura mbi 400 mijë euro.
