Stavri Nica ka mbyllur zyrtarisht aventurën me Kukësin pas humbjes në frymën e fundit ndaj Dinamos me rezultatin 3-2.
Ndërkohë drejtuesit verilindorë nuk kanë humbur kohë për të gjetur “timonierin” e ri.
Bëhet fjalë për trajnerin e njohur Emiliano Çela, i cili do të prezantohet nesër në radhët e Kukësit.
Vlen të theksohet fakti se Çela këtë sezon e nisi në radhët e Flamurtarit në Kategorinë e Parë, por aventura te vlonjatët nuk zgjati shumë, për shkak të rezultateve jo fortë pozitive. Në të kaluarën Çela ka qenë pjesë edhe e Kastriotit në Superiore.
38-vjeçari ishte pa ekip që prej 27 nëntorit të vitit të kaluar që u largua nga Flamurtari.
