Autoritetet italiane kanë shkatërruar një bandë kriminale pas një operacioni të zhvilluar në Firence dhe Pratos ku u vunë në pranga 5 persona. Dy prej tyre janë lënë në burg, ndërsa tre të tjerët janë lënë në arrest shtëpia. Në mesin e trafikuesve ka edhe shqiptarë.
Gjatë hetimeve u sekuestruan 5 kilogramë kokainë, 100 kilogramë marijuanë dhe hashash, së bashku me 676 mijë euro cash, si dhe dy pistoleta dhe 500 gëzhoja të kalibrit 9×21.
Banda kishte krijuar bazën e saj operacionale në Prato dhe dërgonte sasi të mëdha kokaine, hashash dhe marihuanë në Firences dhe më pas e trafikonte në të gjithë Toskanën. Banda ka qenë shumë aktive edhe pse më parë disa persona të grupit kanë rënë në pranga.
